2025 жылғы 13 қазаннан бастап «Урал Ойл энд Газ» ЖШС бас директорының бірінші орынбасары қызметіне Лю Гуантао тағайындалды.
Лю Гуантао мұнай-газ саласында 17 жылдан астам кәсіби тәжірибеге ие. Ол бұған дейін Sinopec, Sagiz Petroleum Company, КаракудукМунай және Батыс-Мунай компанияларында коммерциялық қызмет, әкімшілік басқару, кен орындарын игеру және өндірістік процестер бағыттарын қадағалаған басшылық лауазымдарда жұмыс істеген.
Ол Қытай Халық Республикасының Солтүстік-Шығыс мұнай университетін «Инженерлік геология» мамандығы бойынша тәмамдаған, кейін Пекин қаласындағы Қытай мұнай университетінде «Геохимия» мамандығы бойынша магистр дәрежесін алған. Сондай-ақ Ресейдің Уфа мемлекеттік мұнай техникалық университетінде «Пайдалы қазбаларды іздеу және барлау» мамандығы бойынша білім алған және Қазақстандағы Нархоз университетінде Doctor of Business Administration (DBA) дәрежесіне ие.
Лю Гуантаоның мұнай-газ геологиясы, коммерция және стратегиялық басқару салаларындағы терең білімін біріктірген мол басқарушылық және халықаралық тәжірибесі «Урал Ойл энд Газ» ЖШС-нің басқару командасын нығайтып, компанияның әрі қарай дамуына ықпал ететін болады.
