Мичурин ауылдық округінің аумағында көгалдандыру үшін көшеттер отырғызу

«Урал Ойл энд Газ» ЖШС Қазақстан Республикасы Денсаулық сақтау министрінің м.а. 2022 жылғы 11 қаңтардағы № ҚР ДСМ-2 бұйрығымен бекітілген «Адамның өмір сүру ортасы мен денсаулығына әсер ету объектілері болып табылатын объектілердің санитариялық  қорғаныш аймақтарына қойылатын санитариялық-эпидемиологиялық талаптар» санитарлық қағидаларына сәйкес, «Урал Ойл энд Газ» ЖШС Рожковское кен орнының санитарлық-қорғау аймағының есептік (алдын ала) мөлшерін негіздеу жобасы» шеңберінде 2024-2027 жылдар аралығында кезең-кезеңмен жасыл желектерді отырғызу және күтім жасау жұмыстарын жүргізуді көздеп отыр.
Аталған жоба аясында кезең-кезеңмен көгалдандыру жұмыстарын іске асыру мақсатында «Урал Ойл энд Газ» ЖШС Байтерек ауданы әкімдігіне Рожковское кен орнына жақын орналасқан елді мекендердің аумағын көгалдандыру үшін жер алаңын беру туралы сұраныс жіберді, себебі кен орны ауыл шаруашылық мақсаттағы жерлерде орналасқан  және санитарлық қорғалған аймақтарда шаруа қожалықтары бар. Бәйтерек ауданының тұрғын үй коммуналдық шаруашылық, жолаушылар көлігі және автомобиль жолдары бөлімі көргалдандыру жұмыстарын жүргізуге арналған орын ретінде Мичурин ауылдық округінің «Дина» гипермаркеті маңындағы аймақты анықтады.
Көгалдандыру үшін отырғызылатын  негізгі ағаш түрлеріне – мамықсыз пирамидалық терек, үйеңкі және қарағаш көшеттері таңдалды. Бұл ағаш түрлері жергілікті климаттық жағдайларға оңай бейімделеді және жылдам өседі, әрі тамыры да мықты ағаш түрлері болып табылады.
«Урал Ойл энд Газ» ЖШС арнайы бөлінген жер алаңына барлығы 500 көшет отырғызды, оның ішінде үйеңкі – 100 дана, қарағаш – 100 дана, терек – 300 дана және ағаштарды күту және суару жұмыстарын ағымдағы жылдың соңына дейін жүргізетін болады.
Жасыл желектердің адам өмірі мен денсаулығында атқарар рөлі ерекше, олар қоршаған ортаны сақтауда және ауаны тазартуда табиғаттың маңызды құрамдас бөлігі болып табылады. Сондай-ақ оттегін бөлу,  шаңды ұстап қалу, шуды сіңіру және ауаны ылғалдандыру сияқты маңызды қызметтерді де атқарады.