2025 жылғы 1 маусымда «Урал Ойл энд Газ» ЖШС командасы Ақтау қаласында «ҚазМұнайГаз» ҰК АҚ ұйымдастырған Munaily Marathon – 2025 қайырымдылық жүгіру марафонына қатысты.
Жұмысшы мамандықтар жылы аясында өткен бұл шара – компаниялар тобы қызметкерлерінің денсаулығын нығайту мен салауатты өмір салтын насихаттауға бағытталған корпоративтік және әлеуметтік бастаманың бір бөлігі болды.
Ақтаудың көрікті жағалауында өткен марафон еншілес ұйымдардың өкілдерін, кәсіби спортшылар мен Маңғыстау облысы тұрғындарын біріктірді. 5 және 10 шақырымдық қашықтықтар командалық рухтың, белсенді әрі салауатты өмір салтына ұмтылыстың символына айналды.
«Урал Ойл энд Газ» ЖШС бұқаралық спортты дамытуға үнемі қолдау білдіріп, әлеуметтік және қайырымдылық бастамаларға белсене қатысады. Бұл компанияның тұрақты даму құндылықтарына адалдығын және адамдарға қамқорлығын көрсетеді.
Munaily Marathon – 2025 – бұл жай ғана спорттық шара емес, сонымен қатар салауатты корпоративтік мәдениетті қалыптастыруға, әлеуметтік жауапкершілікті арттыруға және өңірлік маңызды бастамаларды қолдауға қосқан үлес болып табылады.
