Отан қорғаушылар күні қарсаңында, 6 мамырда «Урал Ойл энд Газ» ЖШС-де ер азаматтарды кәсіби мерекелерімен құттықтауға арналған салтанатты шара өтті.
Компанияның ерлер қауымын таңертең жұмысқа келісімен-ақ кеңсе кіреберісінде орнатылған жарқын әрі әзілге толы баннер жылы жүзбен қарсы алып, мерекелік көңіл-күй сыйлады. Бұл күтпеген, креативті бастама сергектік пен жағымды әсер сыйлап, алдағы күннің сәтті өтуіне себеп болды.
Әйелдер ұжымы әріптестеріне өз алғыстарын білдіре отырып, олардың жауапкершілігіне, табандылығына, кәсіби біліктілігі мен кез келген жағдайдағы қолдауына жоғары бағасын берді. Ер азаматтарға арналған жүрекжарды тілектер: зор денсаулық, ертеңге деген сенім, отбасылық береке және жаңа жетістіктер – шын көңілмен тіленді. Әзіл мен шынайылыққа толы ерекше құттықтау бірде-бір қызметкерді назардан тыс қалдырмай, барша ұжымға қуаныш сыйлады.
Ер азаматтар ортақ іске қосқан үлесі, командалық рухы мен кәсіби адалдығы үшін естелік сыйлықтар мен алғыс сөздерге ие болды. Компания басшылығы олардың кәсіпорынды дамыту мен корпоративтік дәстүрлерді сақтау жолындағы маңызды рөлін ерекше атап өтті.
Отан қорғаушыларымызды мерекемен шын жүректен құттықтаймыз! Әрқашан да ерлік, жігер және табыс әрдайым сіздермен бірге болсын!
